БОҒОТ ТУМАНИ ҲОКИМИ ЖАҲОНГИР НАЗАРОВНИНГ МЕҲР-ОҚИБАТ, ЭЗГУЛИК ВА САХОВАТ АЙЁМИ - МУБОРАК РАМАЗОН ҲАЙИТИ ТАБРИГИ

Ассалому алайкум қадрли юртдошлар!

Аввало барчангизга кириб келган муқаддас байрам Рамазон ҳайити муборак бўлсин!

Дунёдаги барча мусулмон уммати учун мўътабар ва қадрли бўлган, эзгулик ва инсонпарварлик, меҳр-шафқат каби буюк фазилатлари янада ёрқин намоён бўладиган ушбу шукуҳли дамларда барчамиз, аввало, Яратганга оиламиз, элу юртимиз билан биргаликда бугунги қутлуғ ва барокатли кунларга етказгани учун беҳисоб шукроналар айтамиз. Ҳадиси шарифда айтилганидек, "Чинакам мусулмон ўзига раво кўрган барча яхшиликларни бошқа инсонларга ҳам раво кўради". Шундай экан, жамики эзгулик ва яхшиликларни сизга тилайман.

Нияти пок, мақсадлари улуғ халқимизнинг шу табаррук кунларда қилаётган барча ибодатлари, эзгу дуолари ижобат бўлсин! Аллоҳ иймонимизни бут, ризқимизни улуғ, насибамизни қутлуғ қилсин!

Муқаддас айём – Рамазон ҳайити барчамизга муборак бўлсин!

Боғот тумани ҳокими
Жаҳонгир Назаров