TINCHLIGIMIZ VA OSOYISHTALIGIMIZ POSPONLARI - IIB XODIMLARIGA HURMAT VA EHTIROM KO‘RSATILDI

Bog‘ot tumanida «Ichki ishlar organlari xodimlari kuni» munosabati bilan tadbir bo‘lib o‘tdi. Tadbirda tuman hokimi Jahongir Nazarov ishtirok etdi va so‘zga chiqdi. Shuningdek sektor rahbarlari, ichki ishlar organlari faxriylari, hozirda tizimda xizmat qilayotgan fidoyi xodimlar bayram tadbiriga taklif etildi. Tuman hokimi o‘z so‘zida tuman hududida jinoyat va huquqbuzarliklarning oldini olish borasida ichki ishlar organlari tomonidan tezkor-profilaktik chora-tadbirlar olib borilayotgani, bunda har bir xodimning alohida o‘rni borligini e’tirof etdi va bayram bilan muborakbod qildi.Tadbirda o‘z xizmat vazifalariga sidqidildan yondoshib, jinoyatchilikka qarshi kurashish va uning oldini olish bilan bir qatorda tuman hududida olib borilayotgan tadbirlarda faol ishtirok etib kelayotgan fidoyi xodimlarga tuman hokimining tashakkurnoma va qimmatbaho sovg‘alari topshirildi.

Bog‘ot tumani hokimligi Matbuot xizmati.